Persónuverndarstefna Boða

Drög, síðast uppfærð 3. nóvember 2026. Lögfræðingur á eftir að yfirfara þau.

Boði er samskiptaforrit frá Tento ehf., kt. [kennitala], [heimilisfang] („Tento“, „við“). Tento er ábyrgðaraðili persónuupplýsinga sem unnið er með í Boða. Hafðu samband á [netfang] um allt sem varðar persónuvernd.

Það sem við getum ekki séð

Skilaboð, myndir, myndbönd, raddskilaboð og límmiðar sem þú sendir eru dulkóðuð enda á milli í símanum þínum (MLS-samskiptareglan). Lyklarnir eru aðeins í tækjum fólksins í samtalinu. Tento hefur þá ekki og getur hvorki lesið skilaboðin þín né afhent þau öðrum. Sama á við um dulkóðað öryggisafrit: það er læst með endurheimtarlykli sem aðeins þú hefur.

Upplýsingar sem við vinnum með

Aðgangur: nafn, notandanafn og netfang (ef þú skráir þig með netfangi). Ef þú notar rafræn skilríki geymum við ekki kennitöluna sjálfa, aðeins dulritað fingrafar hennar (HMAC), og nafnið eins og Auðkenni/Kenni gefur það upp.
Tengsl: hverjum þú hefur bætt við, á hvern þú hefur lokað og í hvaða samtölum þú ert.
Lýsigögn skilaboða: hver sendi í hvaða samtal og hvenær, og stærð dulkóðaðra gagna. Þjónninn þarf þetta til að koma skilaboðum til skila.
Dulkóðuð gögn: dulkóðuð skilaboð í 7 daga eftir að öll tæki í samtalinu hafa sótt þau (skemur ef þau eiga að hverfa fyrr), dulkóðaðar skrár í allt að 30 daga og dulkóðað öryggisafrit ef þú kveikir á því.
Tæki: heiti tækis, opinberir lyklar þess, hvenær það var síðast virkt og, ef þú leyfir tilkynningar, auðkenni fyrir tilkynningar. Tilkynningar segja aðeins „Ný skilaboð“ og innihalda hvorki efni né nafn sendanda. Tæki sem hefur ekki verið notað í 180 daga er skráð út.
Prófílmynd (Boði+): geymd á þjóni Boða og ekki dulkóðuð enda á milli. Hún sést aðeins hjá fólki sem þú hefur bætt við og fólki sem þú hefur skrifað til.
Áskrift og kaup: hvort þú ert með Boða+ og hvaða límmiðapakka þú átt. Greiðslur fara um App Store eða Google Play og við fáum aldrei greiðslukortaupplýsingar.
Tilkynningar um misnotkun: ef einhver tilkynnir þig fylgja með síðustu skilaboð frá þér í því samtali (allt að 5), sem tæki tilkynnandans sendir. Þau eru notuð til að skoða málið.
Tæknileg gögn: IP-talan þín er notuð til að verjast misnotkun (takmörk á fjölda beiðna) og er aðeins geymd í minni þjónsins í mesta lagi klukkustund. Hún er ekki skráð í annála. Annálar þjónsins geyma tíma, slóð og niðurstöðu beiðna í [tími, t.d. 14 daga].

Til hvers

Til að veita þjónustuna (skrá þig inn, koma skilaboðum til skila, endurheimta afrit), til að verjast misnotkun og svikum, til að stýra áskrift og kaupum, og til að uppfylla lagaskyldur. Grundvöllur vinnslunnar er samningur við þig (notkunarskilmálar), lögmætir hagsmunir af öruggri þjónustu og, þar sem við á, samþykki þitt (t.d. tilkynningar).

Við seljum aldrei upplýsingar um þig, notum þær ekki í auglýsingar og það eru engar auglýsingar í Boða.

Vinnsluaðilar

Við notum: hýsingaraðila fyrir þjóninn ([nafn, land innan EES]), póstþjónustu fyrir innskráningarkóða ([nafn]), Expo (tilkynningar, sem sendir áfram til Apple og Google), Apple og Google (forritaverslanir og greiðslur), RevenueCat (umsýsla áskrifta) og Auðkenni/Kenni (rafræn skilríki). Enginn þeirra fær aðgang að efni skilaboða.

Hve lengi

Aðgangsupplýsingar eru geymdar þar til þú eyðir aðganginum. Þú getur eytt honum hvenær sem er í Ég → Aðgangur og öryggi → Eyða aðgangi. Þá eyðum við strax nafni, notandanafni, netfangi, fingrafari kennitölu, tengiliðum, lokunum, öryggisafriti, prófílmynd og innskráningum. Skilaboð sem aðrir hafa þegar fengið eru áfram í tækjum þeirra. Dulkóðaðar skrár hverfa innan 30 daga. Tilkynningar um misnotkun eru geymdar meðan málið er til skoðunar og þeim er eytt 90 dögum eftir að það hefur verið afgreitt.

Beiðnir lögreglu og annarra yfirvalda

Við afhendum upplýsingar um notendur aðeins þegar lög skylda okkur til þess, að jafnaði samkvæmt dómsúrskurði. Við staðfestum hverja beiðni beint hjá viðkomandi embætti áður en við svörum henni.
Við getum aldrei afhent efni skilaboða, mynda, myndbanda, raddskilaboða eða öryggisafrita, því við höfum ekki lyklana að þeim.
Það sem við gætum þurft að afhenda er það sem talið er upp undir Upplýsingar sem við vinnum með, eins og það er hjá okkur þegar beiðnin berst. Við geymum ekki upplýsingar lengur vegna þess að einhver gæti beðið um þær. Ef yfirvöld leggja fram kennitölu getum við séð hvort hún tengist aðgangi, en við getum ekki fundið kennitölu út frá aðgangi.
Við afhendum aðeins það sem beiðnin nær til.
Við látum þig vita af beiðni sem varðar þig, nema lög eða dómstóll banni það eða það myndi stefna lífi eða öryggi einhvers í hættu.
Ef líf eða heilsa einhvers er í bráðri hættu getum við afhent lágmarksupplýsingar án dómsúrskurðar, að vel athuguðu máli, og skráum hvers vegna.
Beiðnir erlendra yfirvalda afgreiðum við aðeins í gegnum íslensk yfirvöld eftir þeim leiðum sem lög gera ráð fyrir.
Við bætum aldrei leynilega tæki við aðgang þinn né breytum lyklum til að hlera samtöl. Slíkt myndi sjást hjá þér og þeim sem þú talar við: tilkynning um nýja innskráningu og „Öryggisnúmerið breyttist“ í samtalinu.
Við birtum árlega hve margar beiðnir bárust og hve mörgum var svarað.
[Lögfræðingur: staðfesta hvort fjarskiptalög nr. 70/2022 leggja á Tento skyldu til að varðveita tiltekin gögn, og laga þá kaflana Upplýsingar sem við vinnum með og Hve lengi.]

Réttindi þín

Þú átt rétt á að fá aðgang að upplýsingum um þig, fá þær leiðréttar eða þeim eytt, takmarka vinnslu og flytja þær. Hafðu samband á [netfang]. Þú getur líka kvartað til Persónuverndar (personuvernd.is).

Börn

Boði er ætlaður fólki 13 ára og eldri.

Breytingar

Ef við breytum stefnunni látum við vita í forritinu áður en breytingin tekur gildi.